Меси забележан на аеродром, ќе игра во француското дерби?

Во недела нè очекува француското дерби меѓу Лион и ПСЖ, а утрово пристигна одлична вест за лидерот во првенството затоа што Лионел Меси добил негативен тест на ковид-19.

Пред три дена беше објавена информација дека Аргентинецот се заразил со коронавирус, но денеска доаѓаат нови вести кои се позитивни за тимот од Париз.

Аргентинскиот медиум „Оле“ објави дека Меси добил негативен ПЦР-тест во вторникот, па со семејството со приватен авион тргнал од Розарио кон Париз.

Најголемата ѕвезда на парижаните по доаѓањето во Франција повторно ќе биде тестиран, а ако и тој биде негативен, тогаш на него ќе може да смета тренерот Маурицио Покетино за дербито против Лион, кое се игра в недела од 20.45 часот.