Манчестер јунајтед, наводно, планира да го пушти Пол Погба во Интер, но само доколку за возврат го добие напаѓачот Лаутаро Мартинез.
„Мирор“ пишува дека Јунајтед е отворен за размена на фудбалери со Интер и е подготвен да се откаже од Погба доколку Интер го пушти одличниот напаѓач.
Погба нема ништо против да соработува со Антонио Конте, кој го тренираше во Јувентус, а нема против ниту да потпише за најголемиот ривал на неговата поранешна екипа.
Мартинез постигна осум голови во 16 натпревари во Серија А сезонава и ги импресионираше сите на „Џузепе Меаца“.
Од друга страна, Погба не игра најдобро сезонава и е далеку од својата вистинска форма.
