Кој ќе тепа на Ел Класико!? ↓↓↓
НБА-лигата се прекина пред неколку недели кога беше потврдено дека неколку кошаркари се заразени со коронавирус.
Раководството на најдобрата лига во светот немаа дилеми и веднаш го прекинаа натпреварувањето. Во моментов нема индикации кога сезоната би можела да продолжи. Пандемијата на коронавирус сега силно ја погоди Америка, што дополнително ја комплицира ситуацијата.
Сепак, клубовите се надеваат дека оваа сезона ќе заврши, а раководството на НБА лигата веќе се обидува да го најде најдоброто решение. Комесарот на НБА-лигата, Адам Силвер изјави дека се водат разговори секој ден за да се обиде да најде начин да ја заврши сезоната.
Една опција е да го играат остатокот од сезоната во НБА во краток формат во еден град. Американските медиуми пишуваат дека изборот најверојатно ќе падне на Лас Вегас.
Планот е прво екипите кои се борат за плеј-офот да играат први за да се добијат 16-те клубови во плеј-офот. После тоа ќе започне скратениот формат на плеј-офот и не е познато колку натпревари би се играле.
Наводно, финалето во НБА лигата ќе се игра до три победи, што би било прв пат во историјата. Во НБА-лигата, решени се да ја продолжат сезоната и не е важно колку ќе трае.
Ако пандемијата на коронавирусот се шири понатаму и го зафати Лас Вегас, тогаш постои опција натпреварите да се играат на Бахамите.
