„Не барајте од мене трансфер на Меси, тој останува во Барса“

Најдобриот фудбалер на светот Лионел Меси од одамна е голема желба на челните на луѓе на Манчестер Сити, но тој трансфер никогаш не се реализираше.

Навивачите на Сити се надеваа дека новиот менаџер на екипата Пеп Гвардиола на сметка на старата слава во Барселона ќе успее да го доведе Меси на Итихад, но Шпанецот стави точка на овој случај.

Имено, на официјалното претставување како тренер на екипата Гвардиола рече дека Меси мора да ја заврши кариерата во Барселона.

„Тој Лео Меси воопшто не е лош играч. Убаво е да заигра за наш тим, но тоа не е фер. Тој едноставно мора да ја заврши кариерата во Барселона и не би било убаво ако сега пробам да го доведам. Навивачите на Барселона тоа не го заслужуваат“, рече Гвардиола и додаде:

„Сепак, сега се запознавам со нова екипа и овде има многу материјал. Одиме да направиме што подобар тим од играчи кои ни се на располагање. Одиме да направиме резултат!“.