Македонскиот напаѓач Илија Несторовски ќе замине од Удинезе по четири години поминати во калчолигашот затоа што екипата не планира да му понуди едногодишен договор.
Италијанските медиуми најавуваа и во јануари дека Несторовски ќе се раздели со удинезе, но сега тоа станува сè поверојатно.
„Во Удинезе ќе има промени, а меѓу тие кои ќе заминат е Несторовски. Нов договор за Илија е невозможен“, пишува „Мондо Удинезе“.
Несторовски потпиша за Удинезе во 2019 година, каде што стигна како слободен играч по банкротот на Палермо.
