Пјуник се засили со поранешен македонски репрезентативец

Поранешниот македонски репрезентативец Маријан Радески го засили Пјуник од Ерменија, кој промовираше 10 нови фудбалери за новата сезона.

Радески во претходната сезона беше дел од шампионскиот тим на Шкупи, а за него ова е прв интернационален предизвик, откако претходно го носеше дресот на 11 октомври, Металург, Шкендија и Академија Пандев во Македонија.

Македонскиот фудбалер го носеше дресот на репрезентацијата на 18 натпревари, а беше дел и од Европското првенство (ЕП), но не доби шанса на теренот.

Во Пјуник од Македонија доаѓа и Андре Менсалао, кој претходно ја напушти тетовска Шкендија.