Контроверзниот менаџер, Мино Рајола во разговор со италијанските медиуми повторно ги активираше шпекулациите за иднината на Пол Погба.
Погба има договор со Манчестер јунајтед до следното лето, а менаџерот на францускиот репрезентативец вели дека постои опција тој да се врати во Јувентус.
„Пол Погба има договор до јуни, ќе разговараме со Манчестер јунајтед и ќе видиме што ќе се случи. Торино има посебно место во срцето на Пол, па има шанси тој да се врати во Јувентус, но многу работи зависат и од плановите на Јувентус“, кажа Раиола.
Погба следното лето ќе биде слободен агент, а интерес за него покрај Јувентус покажуваат уште ПСЖ и Реал Мадрид.
