Рамос по една година заминува од ПСЖ, шеиците решиле да му ја „удрат клоцата“

Шпанскиот дефанзивец Серхио Рамос одигра само пет натпревари во дресот на ПСЖ поради проблемите со повреди и затоа нема да остане во гигантот по крајот на актуелната сезона.

Рамос пристигна како големо засилување и потпиша договор на две години, но на лето ќе биде продаден од страна на ПСЖ, кој не е задоволен од дефанзивецот.

Повредите ја искомплицираа ситуацијата за Рамос, кој последен пат настапи на 23 јануари, а тоа е недозволиво за таков дефанзивец.

Познатиот спортист ја почна кариерата во Севиља, по што стана легенда на Реал Мадрид, каде што играше 16 сезони и притоа настапи на 469 натпревари и постигна 72 голови.