Рангник „отпишан“ по само еден месец: Навистина е чудотворец, успеа да го уништи Манчестер јунајтед!

Премиерлигашот Манчестер јунајтед доби нови критики преку социјалните мрежи по очајниот настап во поразот од Вулверхемптон со 0-1 на „Олд Трафорд“.

Португалскиот ветеран Жоао Мутињо со доцен гол од работ на казнениот простор го матираше Давид де Хеа за триумф на гостите.

Тоа беше прв пораз на Јунајтед во шест меча под водство на новиот привремен тренер Ралф Рангник, кој требаше да ги врати насмевките на лицата на навивачите.

„Ѓаволите“ беа ужасни во натпреварот против Вулверхемптон, а нивниот голем ривал и навивач на Арсенал, Пјерс Морган едвај дочека да удри по нив.

„Рангник е чудотворец, го направи Јунајтед уште полош. Требаше да го земат Антонио Конте додека имаа шанса, не е нормално голем клуб да биде трениран од мал тренер“, напиша Морган.

Ralph Rangnick really is a miracle worker – he's made United even worse.
They should have gone for Conte when they had the chance. Madness for a club this big to have such a small-time manager.

— Piers Morgan (@piersmorgan) January 3, 2022