Диск голф го освојува светот, а го нема во Македонија!? ↓↓↓
Аргентинскиот тренер Диего Симеоне веќе со години со голем успех го тренира Атлетико Мадрид, од кој направи европски гигант.
Симеоне на големо се поврзуваше и со заминување од Висенте Калдерон, а најмногу се зборуваше за превземање на Интер.
Потпретседателот на Интер Хавиер Занети верува дека популарниот Чоло кога-тогаш ќе стане тренер на миланскиот клуб.
„Симеоне рече дека во иднина сака да го тренира Интер. Во овој момент, наш тренер е Роберто Манчини и имаме голем респект кон него. Од таа причина не сакам да зборувам за други тренери“, рече Занети, кој потоа додаде:
„Но, гледајќи долгорочно, сигурен сум дека Симеоне и Интер еден ден ќе се договорат и дека овој одличен тренер ќе го превземе нашиот клуб“.
Диего Симеоне како фудбалер настапуваше за Интер во периодот од 1997 до 1999 година.
