Кој ќе тепа на Ел Класико!? ↓↓↓
Екипата на Барселона доби уште еден тежок удар.
По големите проблеми што Каталонците ги имаат поради фактот што не можат да го комплетираат трансферот на играчот од средниот ред Миралем Пјаниќ од Јувентус, сега има проблем во потенцијалниот трансфер на Лаутаро Мартинез.
Каталонскиот гигант очајно сака да го ангажира 22-годишниот напаѓач. Тие разговараат за повеќе опции со Интер, но работата не е завршена.
Судејќи според зборовите на спортскиот директор на Интер, Пјер Аусили, договорот нема да биде завршен доколку Барселона не ја плати клаузулата од 111 милиони евра.
“Лаутаро Мартинез не е на продажба. Барселона нè контактираше. Имаме добри односи со нив, но им ставивме до знаење дека нема да го продадеме како што треба. Тој не е на продажба, освен ако Барса не ја плати клаузулата за целосно обештетување”, рече спортскиот директор на Неразура.
Ова е секако нов жесток удар за тимот од Ноу Камп, кој едноставно нема можност да плати огромни клаузули, а очигледно е дека Интер не е заинтересиран за размена на играчи.
Сепак, ќе видиме какво лето ќе ни донесе и работите можат многу лесно да се променат.
