Доминик Калверт-Луин одигра маестрална натпревар во победата на Лидс Јунајтед над Њукасл (4:1), но напаѓачот на домашниот тим не можеше да го сокрие шокот на лицето на крајот од првото полувреме кога слушна што му вели судијата.
Лидс синоќа во рамките на четвртото коло од Премиер лигата на свој терен го пречека Њукасл кој немаше милост бидејќи домашниот тим славеше со конечен резултат 4:1.
Уште една маестрална игра прикажа напаѓачот Калверт-Левин кој блеска на почетокот од новата сезона, а англискиот фудбалер постигна еден гол и запиша една асистенција.
Сепак, многумина сметаа дека Калверт-Левин даде два гола на крајот од првиот дел бидејќи го прослави погодокот за 2:0, но на крајот се покажа дека истиот не му беше припишан.
Сè се случуваше во 34. минута после центаршут од десната страна кога Калверт-Левин шутираше со глава и даде гол, но Премиер лигата тој погодок му го припиша на неговиот соиграч Богл тврдејќи дека топката последно ја допрела него.
Калверт-Левин и Богл беа во скок, но се сметаше дека Доминик го постигна голот кој и го прослави, но напаѓачот на Лидс беше шокирачки изненаден од судијата по завршувањето на првото полувреме.
Калверт-Левин дознава дека неговиот прв гол беше припишан на Богл 😂 #lufc pic.twitter.com/s5VEawsWtY — Jacques (@jacqueslufc) 14 септември 2026
