Томас Тухел го препороди тимот на Челси откако пристигна во Лондон, па до крајот на сезоната ќе се бори за пласман во топ-4 во Премиерлигата, како и трофеи во ФА-купот и Лигата на шампиони (ЛШ).
Франк Лампард ја почна сезоната со Челси и потроши 253 милиони фунти на трансфери, но тоа не му помогна да се бори за титулата, по што Англичанецот доби отказ.
Сепак, Тухел ова лето ќе добие помал буџет, а англиските медиуми открија дека Германецот ќе има само 150 милиони фунти за трошење и императив е врвен напаѓач, кој може да постигне до 25 голови по сезона.
Ерлинг Халанд е голема желба, но засега ништо не е познато за неговата иднина бидејќи го сакаат многу гиганти, а се споменуваат и имињата на Ромелу Лукаку и Хари Кејн, иако ниту една од овие желби нема да биде лесна за остварување.
