Тренерот на Челси, Томас Тухел верува дека следната сезона ќе се борат за сите титули во натпреварувањата во кои ќе учествуваат.
Тухел кажа дека уште е рано за такво нешто, но малку недостига да се стигнат ривалите како Манчестер сити и Ливерпул.
„Можеме ли да ја намалиме разликата со Манчестер сити? Во моментов тоа не е возможно, но следната сезона ќе имаме голема шанса. Сити имаше проблеми, но никој не ги искористи. Следната сезона ќе се бориме за сите трофеи“, кажа Тухел на прес-конференцијата.
Челси вечерва ќе игра дерби против Ливерпул во Премиерлигата.
