Кој ќе тепа на Ел Класико!? ↓↓↓
Баерн Минхен речиси сигурно ќе остане без големата ѕвезда ова лето.
Бразилецот Филипе Кутињо пристигна во клубот минатото лето како големо засилување, но во текот на сезоната тој не ја оправда довербата на управата на клубот.
Тој дојде на позајмица од Барселона, и дека Баерн не е заинтересиран да го претвори тој заем, барем под сегашни услови, во постојан договор, го потврди пред неколку дена генералниот директор на клубот, Карл-Хајнц Румениге.
“Опцијата за откуп е истечена и ние сигурно нема да ја искористиме. Сега нашата цел е да ги завршиме плановите за следната сезона и ќе видиме дали Кутињо сепак ќе има улога во нашиот тим или не”, рече Румениге, објавувајќи дека Бразилецот би можел да остане само со драстично намалување на откупната цена.
Германските медиуми пишуваат дека е многу веројатно дека тој веќе го одиграл последниот натпревар за клубот од Алианц Арена.
Да потсетиме, Бразилецот неодамна го повреди глуждот и очекува да направи пауза барем уште две недели поради таа повреда. Тоа значи дека тој може да биде достапен само во последните четири кола, но прашање е дали тогаш тренерот Ханс-Дитер Флик ќе смета на него.
Патем, Германците веруваат дека постои опција да го продолжи актуелниот договор за заем на Кутињо до крајот на август, за да може да биде член на клубот кога се игра финалето во Лигата на шампионите. Да потсетиме, според досегашниот договор, тој треба да се врати во Барселона по 30. јуни.
Ако неговата епизода во Минхен е навистина завршена, тогаш треба веднаш да се спомне дека има неколку клубови во кои тој би можел да ја продолжи кариерата. Тоа се екипи од Англија, Арсенал и Тотенхем. Но, проблемот во целата приказна е фактот дека обештетувањето за него би можело да биде многу големо со оглед на тоа дека тој има тригодишен договор со Барселона. Заработува 250.000 фунти неделно што е исто така голема пречка за клубот што на крајот би го купил.
Оваа сезона тој има 32 настапи за Баерн и постигна девет гола.
