Најпознатиот светски фудбалски менаџер Мино Раиола во разговор за za Il Giornale истакна дека Марио Балотели ќе освоеше пет Златни топки ако го имаше менталитетот на Златан Ибрахимовиќ.
Раиола е менаџер на двајцата фудбалери и секако е компетентен да повлече паралела меѓу Балотели и Ибрахимовиќ.
„Балотели е феномен кој имаше среќа да го усвојат прекрасни луѓе. Многу страдал како дете, немал среќно детство и се тоа се одрази на неговиот ум. Знаете дека е немирен духот и многумина сакаат да речат дека е луд, но јас не можам да бидам лут на него. Можеше повеќе, но тоа е она што е“, рече Раиола, и додаде:
„Да беше како Ибрахимовиќ, ќе освоеше пет Златни топки. Балотели е можеби и поталентиран од него, но сеуште не е доцна да ги достигне светските височини“.
Балотели во ова лето стигна во Ница за кој во првите четири натпревари постигна пет погодоци.
