Искусниот репрезентативец Иван Тричковски кој се наоѓа во извонредна форма по се изгледа ќе ги пропушти натпреварите од Лигата на Нации против Лихтенштајн и Ерменија поради повреда.
Играчот на АЕК Ларнака се повреди на последниот натпревар на неговиот клуб против Ермис во кипарското првенство истегнувајќи го задниот мускул на ногата.
Денес и утре ќе бидат направени детални прегледи и точно ќе се знае дали Тричковски ќе може да помогне на натпреварите кои се од клучно значење во новоформираната Лига на Нации каде Македонија е на врвот во групата 4 во рамките од Д Лигата.
