Шпански „АС“ пишува дека Иван Ракитиќ има договор со Интер, каде што треба да се пресели наредното лето, но тренерот Ернесто Валверде не е сигурен дали сака да го пушти да замине од Барселона.
Валверде и понатаму го гледа Ракитиќ како важен член на првиот тим, иако го ангажираа Френки де Јонг од Ајакс, а планираат да го донесат и Адриен Рабио од ПСЖ.
Трансферот на Ракитиќ во Интер е далеку од реализација, но желба постои, а тоа го потврди и италијански „Тутоспорт“, кој вели дека наскоро ќе има состанок на оваа тема.
Интер наводно му нуди 6,5 милиони евра на Ракитиќ, кој добива пет милиони во Барселона.
