Австралискиот возач во Формула 1, Даниел Рикиардо реши да го напушти Ред Бул на крајот на сезоната.
Австралијанецот стигна во Ред Бул пред 10 години како член на јуниорскиот тим, а дебитираше во 2011. година на Големата награда на Англија.
„Целосно ја почитуваме одлуката на Даниел да го напушти тимот. Му посакуваме само најдобро во иднина и би сакале да се заблагодариме за сите успеси со нашиот тим“, соопштија од неговата екипа.
Во својата кариера во Ред Бул, Даниел беше 29 пати на победничкиот престол, а седум пати успеа да победи.
