Фудбалерот на Барселона Џерар Пике рече денеска дека заминувањето на Лионел Меси од Ноу Камп ќе биде голем удар за тој клуб.
„Тој е целосно едноставен. Денот кога ќе замине ќе биде ден кога вашиот татко ќе почине и тоа ќе биде многу тешко. Лео еден ден нема да биде овде и ние ќе бидеме голи, ќе мораме да почнеме од почеток со цел да бидеме конкурентни“, рече Пике за шпанските медиуми.
Меси со Барселона, меѓу останатото, освои осум титули во Примера и четири трофеи во ЛШ.
Пике наведе дека повеќе нема да се повтори генерацијата која што ја сочинуваа Меси, Чави, Серхио Бускетс, Карлос Пујол, Андрес Иниеста и тој.
„Нема да има нов Меси и никој не очекува да има, како што нема да има таква генерација од Ла Масија како беа Чави, Пујол, Иниеста и јас. Се надеваме дека ќе има, но мислам дека нема да се повтори“, рече Пике.
