Напаѓачот на Лестер Сити, Леонардо Улоа побара раскин на договорот со актуелниот шампион на Англија.
Овој напаѓач оваа сезона не играше премногу покрај Варди, Слимани и Оказаки, па тој не ја гледа иднината во овој тим.
Улоа има договор со Лестер уште 18 месеци, а не се знае како ќе реагира клубот на неговото барања.
Според медиумите, Улоа има понуда од Алавес и сака да се врати во Шпанија, каде што има играно за Кастелон и Алмерија.
Овој 30-годишен фудбалер оваа сезона одигра 12 натпревари, но само еднаш беше стартер, а летово имаше понуда од Свонси која беше одбиена.
