Откако Лука Модриќ ја освои Златната топка, не стивнуваат приказните околу неговото минато.
Веќе излегоа информации дека неколку клубови го одбиле Хрватот додека ги започнувал првите професионални фудбалски чекори, а сега Ел Хаџи Диуф истакна дека и од Марсеј му дале „корпа“ откако краток период бил во клубот на проба.
„Лука беше многу млад кога стигна во Марсеј, но не успеа. Неверојатно, но многу брзо го пратија дома и на таа приказна му дојде крај“- коментираше поранешниот играч на Ливерпул за „РМЦ“.
