Шанса да станеш YouTuber! Приклучи се! ↓↓↓
Од Фудбалската федерација на Македонија објавија важно соопштение пред денешниот натпревар против Шпанија.
За натпреварот против „Фуријата“ се продадени над 20.000 влезници а во слободна продажба се останати уште 8.000 влезници и истите ќе може да се купат на три локации.
Соопштението на ФФМ ви го пренесуваме во целост:
Сите љубители и навивачи на македонската репрезентација во текот на утрешниот – Ден на натпревар меѓу Македонија и Шпанија можат да купат билет на три локации во близина на Националната арена „Филип Втори“.
Поставени се три продажни места:
-Фонтана „Градски парк“; Кеј на Вардар зад Влада на РМ; Пешачки мост во близина на дискотеките во „Градски парк“ кои на денот на натпреварот ќе работат од 12:00 до 20:15 часот.
Билетите кои се купени електронски ќе мора да се заменат за реални билети на наведените пунктови.
Влезовите за публиката на Националната арена на денот на натпреварот ќе бидат отворени од 18.45 часот, а ќе се затворат во 20.30 часот. Апелираме гледачите да стигнат на време за да се избегнат непријатности непосредно пред почеток на натпреварот.
Билетарата на Националната арена утре нема да работи поради ограничениот безбедносен радиус околу стадионот проектиран од надлежните служби.
