Тимот на Вардар по првата прозивка, денес започна со тренинзи во тренинг кампот на ФК Вардар во Хиподром.
На првиот тренинг не се појавија Гачевски, Спировски, Џигаури, Којашевиќ и Барсегјан на кои им беше даден дополнителен одмор поради репрезентативните обврски, додека бразилците Џонатан Боарето и Хуан Фелипе во стројот ќе се приклучат во следните неколку денови.
Од тимот секако отсуствуваат младите репрезентативци на Македонија, а изненадувачки е фактот што на првата прозивка се појави и Ацо Стојков кој долго време беше „замрзнат“ од стручниот штаб на Вардар и тренираше со младинските категории на клубот.
На тренингот исто така отсуствуваше Горан Попов кој веројатно ќе бара нова средина и нема да продолжи со Вардар во следниот период.
