Уште два натпревари се одиграа од третото коло од групната фаза на СП во Франција.
Репрезентацијата на Шпанија ја декласира Ангола со 42:22 во натпревар од третото коло од групата Б.
Шпанците како фаворити влегоа во натпреварот и отворија со серија на Костоја и Фернандез, 2:0. Фернандез, Гвардиола и Балагуер зголемија на 5:1.
Следуваше серија од шест погодоци на шпанската репрезентација за 11:2 после единаесет минути игра на паркетот. Валеро Ривера во 25-та минута од првото полувреме погоди за двоцифрена предност на Шпанија, 19:9.
На полувреме Шпанија имаше водство од 11 погодоци, 21:10.
Доминација на Шпанија и во второто полувреме. Многу лесно стигнаа до третата победа на СП, а Ангола го запиша третиот пораз на ова СП.
Шпанија на крајот славеше со 42:22. Анхел Фернандез со 9 погодоци беше најефикасен кај Шпанија. Вардарците Алекс Душебаев и Жоан Канелјас постигнаа вкупно 5 погодоци. 4 Душебаев, а 1 Канелјас. Кај Ангола најефикасен беше Лопес со 6 погодоци.
Хрватска ја совлада репрезентацијата на Белорусија со 31:25 во натпревар од третото коло од групата Ц.
Хрватите со погодоците на Хорват, Степанчиќ и Штрлек стигнаа до водство од 5:2. Јурнјок постигна два погодоци во низа и ја намали негативата на Белорусија на еден погодок, 6:5.
Хорват и Контрец погодија два погодоци во низа за 12:9. Каралек и Рутенка одговорија со иста мерка на серијата на хрватите и ја вратија негативата од еден погодок на Белорусија, 12:11.
Двата погодоци на Циндриќ и едниот на Штрлек му донесоа водство на Хрватска од 16:12. Рутенка во последната минута од првото полувреме погоди за 18:15.
Шилович и Рутенка намалија на еден погодок негатива, 19:18. Мандалиниќ и Хорват погодија за 21:18.
Двата погодоци во низа на Каралек му донесоа на Белорусија само погодок негатива, 21:20. Два пати Дувњак, по еднаш Хорват, Михиќ и Мандалиниќ десет минути пред крајот на натпреварот погодија за 28:22.
Јурнјок и Каралек намалија на четири негатива со два погодоци во низа пет минути пред крајот на натпреварот, 28:24. Хрватска на крајот славеа со 31:25.
Лука Циндриќ со 8 погодоци ја предводеше Хрватска со 8 погодоци на овој натпревар. Кај Белорусија најефикасен беше Артсем Каралек со 7 погодоци.
