Екипата на Шкендија на крилата на капитенот Ферхан Хасани славеше убедлива победа против тимот на Пелистер.
Тетовци на гостински терен во Битола славеа рутинска победа од 3:1, деветта оваа сезона.
По само три минути игра Ферхан Хасани го отвори резултатот, а во финишот на полувремето истиот играч зголеми на 2:0. Во 74. минута последниот гол за Шкендија го постигна Жуниор, додека пак конечниот резултат ко постигна Матеј Цветановски во 75. минута.
Новиот тренер на Работнички, Горан Станковски и втор натпревар откако е на клупата на „романтичарите“ одигрува мирољубиво реми без постигнат погодок. Како што сме навикнати од Работнички и на натпреварот против Скопје немаше некои поубави шанси и истиот беше „тежок“ за гледање.
Силекс во Кратово беше поуспешен од Академија Пандев со 1:0, додека пак реми без голови одиграа и Ренова-Победа.
