Дел Потро најверојатно нема да настапи на првиот Грен Слем турнир во сезоната.
Исто така, не се знае ниту неговиот настап во Дејвис купот на почетокот на февруари.
„Потребен ми е некој физички да ме подготви за да можам да играм цела година. До Австралијан Опен има уште 2 недели и тешко дека ќе бидам подготвен за таа цел.“
Дел Потро во последните години имаше многу проблеми со повредите.
Поранешниот 4-ти тенисер во светот големи проблеми има со колената, а имаше и неколку операции на зглобот на раката.
Сепак, оваа сезона успешно се врати на теренот.
На ОИ во Рио освои сребрен медал, а со Аргентина стигна до првиот трофеј во Дејвис купот.
