Шанса да станеш YouTuber! Приклучи се! ↓↓↓
Јасно е дека „Старата дама“ бара нов офанзивец за своите редови по Салах и Џејмс Родригез нова опција на менито е Алжирецот од Манчестер Сити.
Англиски Сан пишува дека Паратичи и компанијата го разгледуваат Ријад Марез за следната сезона.
28-годишниот бивши играч на Лестер дојде на почетокот на тековната сезона во Манчестер за сума од 70 милиони евра, но не добива доволно шанси на „Итхад“.
Марез претежно е користен како замена оваа сезона, јасно е дека шампионот во Премиер лигата има огромен квалитет во офанзивниот дел и конкуренцијата е немилосрдна.
И самиот Пеп јавно му се извини на Алжирецот поради помалата минутажа.
„Среќни сме со Марез, но за жал, не сум премногу љубезен кон него, не можам да му ги прижам минутите кои ги заслужува. Ми е жал единствено тоа можам да кажам“, изјави Каталонецот.
Нема сомнеж дека Марез е далеку поефтина варијанта од Салах, дали ќе дојде на Апенините тоа останува да се види.
Единствено извесно е дека Алжирецот секако ќе размислува дали ќе остане на „Итхад“ и следната сезона.
