Шанса да станеш YouTuber! Приклучи се! ↓↓↓
Зинедин Зидан според пишувањата на „Марка“ има јасна идеја околу засилувањата, поточно играчите кои би можеле да дојдат предвид кога Реал е во прашање.
Веќе е познато, дека неколкумина играчи би можеле да се најдат во новиот ростер, а многумина имаат интерес за тоа кој ќе замине.
Од играчите во втор план, веројатно нема да има место за Валјехо, Валверде како и Лјоренте. Покрај тоа Ковачиќ нема да се врати од Челси, а Себајос не е почитуван од Зидан. Крос, Модриќ и Каземиро остануваат опции, покрај Иско и Асенсио.
Со Марсело следната недела ќе биде направен разговор кој би можел да резултира со нов договор, а останува да се види што ќе се случи со Бејл, од него би сакале да се ослободат, но проблемот е обештетата и неговата плата.
Сега го нема Роналдо, па од Зидан се очекува да го подигне Велшанинот.
Бензема и Винисијус не се доведуваат во прашање, Маријано Лопез ќе замине, а во клубот ќе се врати Раул Де Томас кој е на позајмица во Рајо Валекано. Тешко е дека истото можеме да го кажеме за Тео Ернандез, а веројатно нема да има место ниту за Брахим Дијаз кој е купен од Сити. Ниту Одегард нема да се врати, ако стигне понуда од Ајакс, Реал сигурно ќе ја прифати.
Ќе остане и Навас кој ќе има повеќе шанси да брани, односно ќе почне следната сезона рамноправно со Куртоа, а третиот голман ќе биде синот на предводникот, Лука Зидан.
