Шанса да станеш YouTuber! Приклучи се! ↓↓↓
Фудбалерот на Ливерпул, Мохамед Салах истакна дека неговата екипа мора да прифати голем притисок кој носи битка за шампионска титула.
„Можеш да почувствуваш бидејќи си човечко битие. За мене не е важно дали сега ќе победам или дали сум победил пред три недели. Сакам да победам во секој меч.
Во ноември истакнав дека притисок постои и дека така ќе биде до крајот на сезоната. Кога играш за шампионска титула, мораш тоа да го прифатиш. Секако, под притисок е и Манчестер Сити“, истакна Салах за Скај.
Ливерпул е втор на табелата со 65 бодови, колку што има и првопласираниот Манчестер Сити, но со натпревар повеќе. Ливерпул во недела игра на „Олд Трафорд“ против Манчестер Јунајтед и ако избегне пораз би можел да се врати на првото место на табелата.
„За мене не е доволно да уживам во оваа ситуација. Имаме цел, имаме сон, да ја освоиме Премиер лигата. Пред две години, кога дојдов во клубот кажав дека сон ми е да ја освојам Премиер лигата“, наведе Салах.
Натпреварот со Јунајтед е првата од трите тешки натпревари за Ливерпул во претстојната недела, бидејќи следат дуелите со Вотфорд и дербито со Евертон на „Гудисон“.
