Од таборот на Манчестер Јунајтед се заинтересирани во своите редови да го видат фудбалерот на Бордо, Малком.
20 годишниот крилен фудбалер е еден од најдобрите играчи на Бордо, а сезонава на вкупно 17 натпревари во Лига 1 запишал седум погодоци.
Како што пишуваат медиумите од Англија, Жозе Мурињо во неколку наврати праќал скаути да ги следат игрите на Малком, а информациите кои биле предадени до Португалецот биле доста позитивни.
Сепак, Бордо нема да го пушти Бразилецот за сума под 30 милиони фунти, голема сума на пари кога во прашање е толку млад фудбалер.
Јунајтед еднаш се коцкаше кога во своите редови го донесе Марсијал за голема сума на пари и тоа на крај испадна како еден од подобрите трансфери на „ѓаволите“.
