Шанса да станеш YouTuber! Приклучи се! ↓↓↓
Водечкиот тим на француското првенство, екипата на Монако, го доведе во своите редови бразилскиот фудбалер Жорге.
Кнежевците постигнаа договор со екипата на Фламенго околу трансфер на 20-годишниот лев бек, кој така кариерата ќе ја продолжи во Лига 1.
Жорге се смета за многу талентиран фудбалер.
Веќе три години е член на првиот тим на Фламенго и еден од клучните играчи на бразилскиот гигант.
Очекувано, со добрите игри привлече внимание на европските клубови, а на крајот неговиот потпис го осигура Монако.
Жорге за екипата од Рио Де Женеиро одигра вкупно 87 натпревари, а постигна пет погодоци.
Неодамна овој фудбалер дебитираше и за националниот тим на Бразил и тоа во меч против Колумбија.
Монако моментално е водечки тим во француската Лига 1 со 48 бодови, два повеќе од Ница и три од актуелниот шампион ПСЖ.
