Фудбалерите на Барселона во среда навечер на Ноу Камп го играат реванш мечот од четвртфиналето на Лигата на шампионите против Јувентус.
Каталонскиот клуб во првиот меч во Торино е поразен со високи 3:0 и јасно е дека пред екипата на Луис Енрике е тешка задача.
Но, Барса верува дека после ПСЖ може да остварат уште едно чудо и да изборат пласман во полуфиналето на ова натпреварување.
Навивачите на Барса се спремни за овој натпревар, и подготвија посебна кореографија за мечот против Јувентус.
Ова ќе биде историски ден и за навивачите бидејќи прекинуваат една долгогодишна традиција.
Имено, сите досегашни кореографии беа на каталонски јазик, а по прв пат во историјата пораката на навивачите ќе биде на англиски јазик.
Крај на уште една ера.
