Шанса да станеш YouTuber! Приклучи се! ↓↓↓
Младиот напаѓач на Милан, Патрик Кутроне кој имаше неверојатна дебитантска сезона во која постигна 18 погодоци во сите натпреварувања не е задоволен со статусот резерва во клубот.
Кутроне не добиваше многу шанси од првата минута ни во првиот дел од сезоната кога Игуаин беше прв избор, а не добива ни сега кога во срцето на нападот блеска Криштоф Пјонтек.
21 годишниот напаѓач веќе еден месец нема започнато натпревар за Милан, а оваа сезона од првата минута во Серија А играл само десет пати.
Јасно е дека талентираниот напаѓач не е прв избор за Гатузо, а токму поради тоа Кутроне се двоуми дали да остане во клубот. Тоа го потврди и неговиот агент кој не даде сигурен одговор дали неговиот клиент има иднина во Милано.
-Дали Кутроне ќе остане во Милан? Не знам, ќе видиме…- коментираше Донато Орњони во интервју за „Радио Марте“.
