Елитниот фудбал во Англија уште еднаш се покажа како вистинска фабрика за пари.
Водството во ПЛ ги продаде тв правата на Кина за 700 милиони долари и тоа на три години со почеток од сезоната 2019/20.
Тоа е најголем таков договор надвор од Англија. Досега рекордот го држеше „NBC“ кој на ПЛ и плати милијарда долари, но за 6 години.
„Договорот сеуште не е потпишан, но веруваме дека се договоривме.“
Моменталниот сопственик на тв правата за натпревари од англиското првенство во Кина е „Супер Спорт Медија“, а договорот е вреден 200 милиони евра и завршува во 2019-та година.
Според последните истражувања, англиските фудбалски клубови во Кина имаат повеќе од 170 милиони навивачи.
Англиски „Скај Спортс“ за правата на натпреварите од англиското првенство од 2016 до 2019 плати 5 милијарди евра, „Британски Телекомуникации“ 1.2 милијарди евра додека „BBC“ плати 230 милиони евра.
