Европската ракометна федерација го казни Лино Червар со 3000 евра од кои 1000 треба да ги плати на крајот на првенството доколку не го повтори прекршокот.
Казната е изречена поради инцидентот кој се случи во последната минута од натпреварот против Белорусија. Имено, во 59:29 минута селекторот на Хрватска, Червар дојде до директен контакт со еден играч на Белорусија.
Дисциплинската комисија на ЕХФ детално ги прегледа извештаите на супервизорите и снимките од инцидентот и се реши да му врачи само парична казна на искусниот стратег.
Многумина очекуваа дека Червар ќе заработи казна со водење на клубот во следните неколку натпревари, но до тоа не дојде.
