Репрезентацијата на Јапонија се пласираше во осминафинале на Светското првенство во Русија, иако на крајот имаше ист број бодови и гол разлика како селекцијата на Сенегал.
Натпреварот на овие репрезентации заврши со реми, а по последното коло Јапонците и Сенегалците имаа ист број бодови и гол разлика, поради што патник во осминафиналето беше решен со фер-плеј.
Јапонците по три натпревари имаа помалку жолти картони од Сенегал. Ова е првпат да имаме такво правило на Мундијалот, а Сенегал жестоко реагираше против тоа по натпреварот.
Сепак, ФИФА кажа дека е подобро така да се одлучи, отколку да се прави ждрепка.
„Јасно е и сакавме да избегнеме ждрепка. Тоа е само еден дополнителен критериум пред лотаријата. Секако,по Мундијалот ќе направиме анализа на ситуациите што се случија и ќе видиме што ќе се случува понатаму. Сега нема потреба да се менуваат правила“, кажаа од ФИФА.
