За Лука Модриќ еден од најважните моменти во животот беше освојувањето на „Златната топка“, која ја доделува „Франс Фудбал“.
Модриќ лани ја освои Европа со Реал Мадрид, а со Хрватска освои сребрен медал на Светското првенство во Русија, па како круна му дојде „Златната топка“.
Хрватот така ја прекина доминацијата на Лионел Меси и Кристијано Роналдо, кои по пет пати ја освојуваа наградата, а веста дека најпрестижната награда пристигнува во негови раце предизвика посебни емоции.
„Бев во својата соба, па ми се јави уредникот на ‘Франс Фудбал’, а потоа се расплакав“, вели Модриќ.
