Тениските ѕвезди ја нападнаа лондонската публика поради третманот на Новак Ѓоковиќ во мечот против Роџер Федерер.
Србинот нема да може да се врати на првото место на АТП-листата, зашто Федерер успеа да слави со 6-3 и 6-4.
„Мислам дека не е фер да аплаудирате при двојни сервис грешки. Тоа е премногу. Не е проблем кога публиката го поддржува едниот тенисер, тоа е избор, но мора да имате почит“, порача Грег Руседски.
„Тоа му влезе на Ѓоковиќ во глава, кога ќе направи двојна грешка слуша аплауз и тоа скапо го чинеше. Се скрши од тој момент во дуелот. Бев тажна поради Ѓоковиќ. Тој е шампион! Што треба да направи за да ја освои публиката? Играше одличен тенис и едвај доби аплауз “, порача Анабел Крофт.
