Се за новиот формат во Лигата на Шампиони! ↓↓↓
Дефанзивецот на Атлетико Мадрид, Киеран Трипиер одговори на секој кој го критикуваше начинот на кој неговиот тим играше во осминафиналето во Лигата на шампионите против Ливерпул, вклучително и тренерот на „црвените“, Јирген Клоп.
По 1-0 на Мадрид, Атлетико на Симеоне го совлада Ливерпул во дополнителното време во реваншот на „Енфилд“ 2: 3 за да стигне до четвртфиналето од Лигата на шампионите. Јорганџиите во свој стил, со многу малку посед на топката, успеаја да го елиминираат сè уште актуелниот победник во елитното натпреварување.
Сепак, на многумина не им се допадна начинот на кој играше Атлетико, а по реваншот, Клоп изјави дека Јорганџиите би можеле да играат „вистински фудбал“ со оглед на талентираните играчи во својот состав.
Киеран Трипиер, Англичанец во редовите на Атлетико, има што да каже за ваквите тврдења.
„Луѓето имаат ваква перцепција дека ние сме дефанзивен тим, но мислам дека тие се премногу занесени во коментирањето на нашата игра против Ливерпул“, рече Трипиер, продолжувајќи:
„Ако започнете да играте отворено со Ливерпул, тогаш ќе загубите 6-0. Не знам што очекуваат луѓето … Гледаме аналитичари и коментатори кои се жалат на нашата одбрана, но дали очекуваа од нас да стигнеме на „Енфилд “и да играме напаѓачки фудбал, особено кога ќе земеме предвид како во моментов игра Ливерпул? “
„Мора да се најде план и ние го сторивме тоа. Моравме да се браниме, но што е најважно, победивме“, истакна Трипиер.
Трипиер верува дека не секој тим може да игра течен фудбал врз основа на посед на топката.
Англичанецот посочува дека целта на Атлетико е да го „апсорбираат“ притисокот на „црвените“.
„Знаевме дека ќе изгорат заради количината на притисок што ја ставаат и енергијата што ја вложија во играта … Знаевме дека ќе се забави. Ни требаа повеќе од 100 минути, но победивме 3-2. Луѓето можат да се жалат колку што сакаат, но игра како овој беше потребна за овој натпревар … Како што започнав, слични коментари престанаа да ме погодуваат. Ливерпул не ги искористи шансите и ги победивме и на двата натпревари.
