Вечерва Реал Мадрид ќе има шанса да ја освои шпанската титула.
Со одлична игра во продолжението на сезоната, екипата на Зинедин Зидан го прескокна најголемиот ривал Барселона и сега во последните два натпревари од сезоната имаат апсолутно сè во свои раце.
Првиот меч топка за „Кралевите“ е Виљареал. Нема да биде лесен залак за Реал, бидејќи Жолтата подморница е исто така одлична во втората половина на сезоната.
На Реал му е потребна победа над Виљареал или грешка на Барселона во дуелот против Осасуна за титулата. Тешко е да се поверува дека екипата од Мадрид ќе ја пропушти оваа голема предност, но треба да очекуваме возбудлив ден во Ла Лига.
