Аргентинскиот тренер Маурицио Покетино би можел летово да си пронајде нов ангажман, откако претходно заработи отказ од Тотенхем.
Покетино потоа се поврзуваше со преселба во многу екипи, а сега „Телеграф“ пишува дека Аргентинецот би можел да седне на кормилото на Јувентус или Интер.
Маурицио Сари е пред отказ затоа што Јувентус игра очајно во последно време, а од друга страна Интер не е задоволен со Антонио Конте, кој ја критикуваше лошата трансфер-политика на клубот.
Освен со овие екипи, Покетино претходно го поврзуваа и со Реал Мадрид и ПСЖ, но сепак најголема шанса има да се пресели во Серија А, каде што би седнал на клупата на некој од големите италијански клубови.
