Македонскиот репрезентативец Енис Барди се соочи со проблеми со шпанската полиција пред неколку дена, откако тие сметаа дека имал лажна возач дозвола.
Барди веднаш ги отфрли овие обвинувања од полицијата и соопшти дека наскоро случајот ќе биде решен.
Сега се јави и тренерот на Леванте, Пако Лопез, кој кажа дека проблемот е зад Барди и дека тој може да се фокусира на фудбалските терени.
„Барди имаше проблеми минатата недела, но сега тие се решени. Имаше тешки моменти, но тој е одговорно момче, па иако се соочуваше со таков проблем, на тренинзите беше максимално посветен. Воодушевен сум од него“, кажа тренерот на Барди.
