Италијанците се надеваат дека нивната репрезентација ќе заигра на Мундијалот во Катар, но „аѕурите“ ќе мора да минат низ баражот, а прва пречка им е Македонија.
Натпреварот меѓу двете екипи е закажан за 24 март во Палермо, а италијанската федерација објави дека за само два дена биле продадени околу 26.000 влезници.
Македонија за три недели гостува во Палермо, каде што ќе се обиде да го изненади гигантот, кој е фаворит за место во финалето на баражот за Светското првенство (СП).
Италијанците можеа да си купат билети од 10 до 60 евра во зависност од местото на трибините, а за македонските навивачи од понеделник ќе почне пријавувањето за влезници кои ќе чинат по 12 евра.
Овие две репрезентации досега одиграа две пресметки, при што Италија славеше во едниот со 3-2, а вториот заврши реми (1-1).
