Баерн Минхен сакаше да го задржи Роберт Левандовски, но Полјакот јасно кажа дека сака да замине, па поради тоа германскиот шампион бара замена за одличниот напаѓач, а изборот паднал на фудбалер на Челси.
Спортскиот директор Хасан Салихамиџиќ има листа од интересни имиња кои би можеле да го заменат полскиот фудбалер, кој е еден од најдобрите во светот.
„Билд“ пишува дека Баерн пронајде замена за Левандовски, а изборот паднал на Ромелу Лукаку, кој не ги оправда очекувањата на раководството од „Стемфорд бриџ“.
Лукаку сака да замине од Лондон затоа што не е задоволен ниту од својата минутажа во последно време и планира да се врати во Интер, но такво нешто не е возможно затоа што клубот од Милано нема 100 милиони евра, па таа ситуација сака да ја искористи Баерн.
