Фудбалскиот свет со нетрпение го очекува почетокот на првото „Ел Класико“ кое се игра во Мадрид, каде што Барселона му гостува на Реал.
Двете екипи се во одлична форма и немаат пораз во Ла Лига, па ова ќе биде еден од најинтересните натпревари денеска, а пред мечот тренерот Карло Анчелоти направи нешто несекојдневно.
Анчелоти дури два часа пред почетокот на мечот ги откри своите фудбалери, а тоа не се случува често во светот на фудбалот, но Чави не падна на тој потег и реши да почека малку пред да ги избере своите 11 играчи.
Тренерот на Барселона го откри својот состав на еден час пред почетокот на мечот, а интересно е тоа што на позицијата десен бек ќе игра Серхи Роберто од првата минута.
