Барса на тежок испит, дерби и во Англија! ↓↓↓
Првата недела од 2025 година ќе биде одбележана со враќањето на најдобрите светски тенисери на терените. Покрај Јунајтед Куп, љубителите на тенисот ќе имаат можност да следат два значајни АТП турнири кои стартуваат на 30 декември – во Хонг Конг и Бризбејн. Турнирот во Бризбејн ќе привлече особено внимание бидејќи на него ќе настапи светскиот рекет број еден, Новак Ѓоковиќ, кој воедно ќе ги започне своите подготовки за претстојниот Австралијан опен. Ова е негово враќање на турнирот во Бризбејн по пауза од цели 15 години, откако таму последен пат настапи во 2009 година. .
Освен Ѓоковиќ, турнирот ќе биде значаен и поради камбекот на австралискиот тенисер Ник Кирјос, кој поради серија повреди на коленото, стапалото и зглобот, во изминатите две години одигра само еден натпревар на АТП турнејата. Кирјос, кој има посебно место за овој турнир, не ја крие својата возбуда за враќањето.
Дополнителна атракција на турнирот ќе биде соработката помеѓу Ѓоковиќ и Кирјос. Имено, австралискиот тенисер на својот Инстаграм профил објави дека двајцата ќе се здружат и ќе настапат во конкуренцијата на парови. Ова партнерство несомнено ќе внесе дополнителен интерес кај публиката, која со нетрпение го очекува спектаклот во Бризбејн.
