Кој ќе победи во Beer Pong - Лига на Шампиони! ↓↓↓
Уште една извонредна натпревар одигра Ерлинг Халанд против Арсенал, но сè падна во втор план откако ги доби пораките по натпреварот.
Според тврдењата Ерлинг Халанд доби закани за смрт откако постигна гол на Емирејтс против Арсенал во натпреварот што заврши без победник.
Шестиот гол оваа сезона во пет натпревари во Премиершипот на Ерлинг Халанд не беше доволен за тимот на Пеп Гвардиола бидејќи накрајот не успеаја да ја извојуваат победата.
По натпреварот, Халанд имаше разговори со навивачите на теренот, но очигледно сè се пренесе и вон теренот.
Набргу по завршувањето на натпреварот, Норвежанецот својот дрес го подари на еден млад навивач, и потоа замина во тунелот.
Откако го напушти стадионот објави фотографија од помала група навивачи на Арсенал кои ги навредуваа играчите на Манчестер Сити додека си заминуваа од Емирејтс.
Халанд потоа објави фотографија од себе на Snapchat со порака што шокираше многумина.
“Сега добивам и закани за смрт”, напиша Халанд.
Сè беше направено од некој што се потпишал како “Дара”.
“Сега биди многу повнимателен пријателе, немој да објавуваш нова фотографија на Snapchat или тоа ќе биде крај за тебе”, пишуваше во пораката што ја доби Халанд.
Неговиот одговор беше на фотографијата и се виде дека воопшто не беше премногу загрижен поради пораката што ја доби.
Сепак, одлучи да ја запознае јавноста со работите што повремено им се случуваат на професионалните спортисти, а особено на оние кои се светски популарни.
Халанд и порано имал многу препирки со навивачите, но и играчите на Арсенал, но никогаш тоа не одело вака далеку како сега.
