До кога ќе дишеме отровен воздух!? | Уште еден поткаст ↓↓↓
Селекторот на фудбалската репрезентација на САД Маурисио Покетино кажа денеска дека неговите играчи можат да направат нешто што никој не мисли дека е можно – да освојат Светско првенство.
„Зошто да не ние? Зошто да не ние? Зошто да не ние? Мораме навистина да веруваме дека можеме тоа да го направиме. Мораме да сонуваме”, рече Покетино на прес-конференција.
Пред пријателските натпревари против Белгија во сабота и Португалија во вторник, Покетино јавно ја повтори пораката што им ја пренесе на играчите кога дојдоа на подготовките оваа недела. “Соновите инспирираат реалност”, рече тој.
Репрезентацијата на САД не стигна до полуфинале на Светското првенство од првиот турнир во 1930 година, а не помина во четвртфинале од 2002 година. Од тогаш, тимот беше елиминиран во осминафиналето во 2010, 2014 и 2022 година, а во групната фаза во 2006 година. Репрезентацијата на САД не успеа да се квалификува за Мундијалот во Русија 2018 година.
