Атлетико Мадрид се мачеше во дуелот во Лигата на шампионите со Ростов, но со голот на Антоан Гризман во третата минута од судиското продолжение стигна до победа (2:1), а Диего Симеоне ја презеде вината на себе поради лошата тактика.
„Денеска направив некои лоши одлуки, но играчите успееја да го решат овој меч во наша корист. И покрај победата сум вознемирен поради своите лоши одлуки пред и во текот на дуелот“, рече Аргентинецот на конференцијата за новинарите.
„Знаевме дека Ростов ќе биде тежок противник и постигнаа гол после контранапад. Гризман не погодуваше во претходните дуели но вечерва покажа дека секогаш беше позитивен дел од напаѓачката приказна. Тој ќе биде среќен што повторно постигнува голови, а и ние ќе останеме среќни бидејќи тој е потребно да погодува“.
Следниот предизвик за Атлетико е дуелот во Примера со Реал Сосиедад пред интернационалната пауза.
